តារា​ស្រី Margie Rasri និង ស្វាមី​លោក Pok Mindset ជិតបានឃើញមុខកូនភ្លោះហើយ

នៅ​ខ្វះ​ជាង​មួយខែ​ទៀត​ប៉ុណ្ណោះ តារា​ស្រី Margie Rasri និង ស្វាមី​លោក Pok Mindset នឹង​បានឃើញ​មុខ​កូនភ្លោះ​ប្រុស​-​ស្រី​ជាទី​ស្រឡាញ់​របស់​ពួកគេ​ហើយ ពោលគឺ​បើ​មិនមាន​ការប្រែប្រួល​ទេ Margie នឹង​សម្រាល​កូនភ្លោះ​ទាំងពីរ​នៅ​ខែមេសាខាងមុខ ។​ស្របពេល​កូនភ្លោះ​កាន់តែ​កៀក​ថ្ងៃ​សម្រាល ថ្មីៗ​នេះ Margie Rasri ស្រាប់តែ​ទៅ​ចូលរួម​កម្មវិធី​ជជែក​កម្សាន្ត «3zaap» របស់​ប៉ុស្ដិ៍​ទូរទស្សន៍​ថៃ​មួយ ដោយ​មិនមាន​វត្តមាន​ស្វាមី​ទៅ​ចូលរួម​ជាមួយ​នោះទេ បង្កឱ្យមាន​ការភ្ញាក់ផ្អើល​មិន​ស្ទើរ​នោះទេ​ពី​សំណាក់​មហាជន ព្រោះ​ចាប់តាំងពី​មាន​ផ្ទៃពោះ​មក តារា​ស្រី​ដួង​នេះបាន​ផ្អាក​ទទួល​ការងារ​សិល្បៈ​មួយរយៈ លើកលែងតែ​កម្មវិធី​ណា​ដែលមាន​ទាក់ទង​នឹង​ការសម្ដែង​របស់​នាង​ប៉ុណ្ណោះ ។​យ៉ាងណាមិញ ខណៈ​ចូលរួម​ក្នុង​កម្មវិធី​ទូរទស្សន៍​ខាងលើ Margie បាន​តុបតែង​ខ្លួន​យ៉ាង​ស្រស់ស្អាត ជា​អ្នក​ម្ដាយ​ដ៏​ទាន់សម័យ​មួយរូប​ធ្វើឱ្យ​មហាជន​សរសើរ​មិន​ដាច់​ពី​មាត់ ។ ក្រៅពី​តារា​ស្រី Margie នៅមាន​សិល្បករ​-​ការិនី​ល្បីៗ​ច្រើន​ដួង​ទៀត​ដែល​បាន​ចូលរួម​ក្នុង​កម្មវិធី​ខាងលើ រួមមាន​តារា​ស្រី គីម​ប៊ី​លី , តារា​ប្រុស Mario Maurer , តារា​ស្រី Pat Napapa និង តារា​ប្រុស​វ័យក្មេង Nichkhun ជាដើម ៕