អុញមិចចឹង! ថៅកែពេជ្រ ទ្រី ដាណា វៃកំទេចវីឡា​ទើប​ទិញ​ត្រង់កន្លែងនេះចោល ក៌ព្រោះតែហេតុផលមួយគឺ..

ភ្នំពេញ អ្នកលេងបណ្ដាញសង្គមជាច្រើន បានលាន់មាត់សរសើរចំពោះទឹកចិត្តសប្បុរសធម៌របស់នារីរូបស្រស់ម្នាក់ ដែលមានឈ្មោះ លើបណ្ដាញសង្គម Facebook ថា ទ្រី ដាណា តាមពិត នាងគឺជាកូនកំព្រា មានប្រវត្តិតស៊ូតាំងពីលក់ខោអាវជជុះ ជម្នះនឹងពាក្យគេមើលងាយគ្រប់បែបយ៉ាង រហូតក្លាយជាម្ចាស់ហាងពេជ្រ និងមានក្រុមហ៊ុនផ្ទាល់ខ្លួនទៀតផង។មនុស្សជាច្រើន ស្គាល់អ្នកស្រី ទ្រី ដាណា តាមរយៈសកម្មភាពសប្បុរសធម៌នានា ហើយនៅពេ លដែលអ្នកស្រី បើក Facebook មក ឃើញអ្នកជួបការលំបាក អ្នកស្រី តែងឱ្យគេជួយទាក់ទង ជួយស្វែងរក ដើម្បីឧបត្ថម្ភគ្រាន់សម្រាលការលំបាក។ ទោះបីរវល់នឹងមុខជំនួញយ៉ាងណាក្ដី អ្នកស្រី ទ្រី ដាណា តែងបង្ហោះជារឿយៗនូវសកម្មភាពមនុស្សធម៌ទាំងនេះ ដើម្បីឱ្យគ្រប់គ្នាបានឃើញ និងមានគំនិតចេះជួយគ្នាទៅវិញទៅមក។ តាមរយៈ​គណនី Tik Tok ផ្ទាល់​របស់​អ្នកស្រី ទ្រី ដា​ណា បង្ហោះ​កាលពី​ថ្ងៃ​ម្សិលមិញ បានបង្ហាញ​ពី​វីឡា​មួយ​ដ៏​ស្រស់ស្អាត ធំ​ទូលាយ រួមជាមួយ​និង​ការ​ដេ​គ័​រ​ឈើប្រណិត​ផង​នោះ កំពុង​ត្រូវបាន​វាយកម្ទេច​ចោល ដើម្បី​ធ្វើជា​សួន​លម្អ​ភូមិគ្រឹះ និង​កន្លែង​ដាក់​រថយន្ត​ធំ​ទូលាយ​។ ក្រោយពី​បង្ហោះ​ពី​សកម្មភាព​វាយកម្ទេច​វីឡា​នោះ​ក៏ ត្រូវ​អ្នកលេង​បណ្តាញ​សង្គម​Tik Tok ជាច្រើន​បានបង្ហាញ​ការភ្ញាក់ផ្អើល​និង​សោកស្តាយ​ដោយ​បញ្ចេញមតិ​ថា «​គេ​មាន​វីឡា​ធំ​ស្កឹមស្កៃ គេ​វាយចោល ចំណែក​ឯង​វិញ​រកលុយ​ធ្វើ​ខ្ទម​តូច​មួយ​នៅ​មិនបាន ស្តាយ​ណាស់​លោក​អើយ​»​។ ​ជាការ​ឆ្លើយតប អ្នកស្រី ទ្រី ដា​ណា បាន​បកស្រាយ​ថា «​តាមពិតទៅ​ខ្លួន​ក៏​សោកស្តាយ​ហើយក៏​មិន​ចង់វាយ​ដូចគ្នា តែដោយសារ​ភូមិគ្រឹះ​របស់ខ្លួន​ទើប​ធ្វើ​រួច ហើយ​ទើបតែ​ទិញ​បាន​វីឡា​នោះ ដូច​ច្នេះ​ក៏​សម្រេច ចិត្ត​វាយចោល ដើម្បី​បាន​ទីធ្លា​ធំ​ទូលាយ​ធ្វើ​សួន និង​ដាក់​ឡាន​តែម្តង ព្រោះ​ភូមិគ្រឹះ​របស់ខ្លួន​ក៏​ធំ​គ្រប់គ្រាន់ ចំណែកឯ​រថយន្ត​រប​ស់​អ្នកស្រី​ក៏មាន​ច្រើន​ដែល​ត្រូវការ​ទីធ្លា​ផ្ទះ​ធំ​ទូលាយ​៕