អាសូរណាស់! ខំរៀនផងធ្វើការផង ស្រាប់តែថ្ងៃពិសេសទទួលសញ្ញាប័ត្រ បែរជាត្រូវខ្ទេចម្រាមដៃទំាង៤ ព្រោះតែមូលហេតុ…….

ថៃ ៖ និស្សិត Tawanploy Twt សព្វ​ថ្ងៃ​មាន​វ័យ ២២​ឆ្នាំ​ប៉ុណ្ណោះ កំពុង​សិក្សា​នៅ​ខេត្តNakhon Sawan។ បើ​តាម​ការ​រៀប​រាប់ គឺ​គ្រួសារ​របស់​នាង​ក្រី​ក្រ​ខ្លាំង​ណាស់ មិន​អាច​ទំនុក​បម្រុង​ឱ្យ​នាង​បាន​រៀន​សូត្រ​ឡើយ។ ដូច​នេះ​ហើយ នាង​ត្រូវ​ខំ​ប្រឹង​រក​ការងារ​ធ្វើ ទើប​អាច​ផ្គត់​ផ្គង់​ការ​រៀន​សូត្រ​ដោយ​ខ្លួន​ឯង។ ប៉ុន្តែ​ ការ​ជួប​គ្រោះ​ថ្នាក់​មួយ​នេះ ពិត​ជា​ធ្វើ​ឱ្យ​នាង​សោក​ស្ដាយ​ខ្លាំង​បំផុត និង​គិត​ថា​ជីវិត​គ្មាន​ន័យ​ទៀត​ផង៕បើ​តាម​ប្រភព​ព័ត៌មាន​ពី​ប្រទេស​ថៃ Khaosod បាន​ឱ្យ​ដឹង​ថា និស្សិត Tawanploy Twt បាន​បន្ត​ការ​សិក្សា​ថ្នាក់​ថ្នាក់​បរិញ្ញាបត្រ​ក្នុង​ឆ្នាំ​ទី៤ ឆមាស​ទី២ ទៅ​ហើយ។ ដោយសារ​ការ​ខ្វះ​ខាត​ក្នុង​ការ​ផ្គត់​ផ្គង់​លើ​ការ​រៀន​សូត្រ នាង​បាន​សម្រេច​ចិត្ត​ធ្វើ​ការ​ក្នុង​សណ្ឋាគារ។ ពេល​កំពុង​ធ្វើ​ការ​នោះ នាង​បាន​ជួប​គ្រោះ​ថ្នាក់​កៀប​ជាមួយ​ម៉ាស៊ីន​អ៊ុត​ខ្នាត​ធំ​របស់​សណ្ឋាគារ បណ្ដាល​ឱ្យ​បាក់​ឆ្អឹង​ម្រាម​ទាំង៤ និង​រលាក​ខ្លោច​អស់។នាង​បាន​រៀប​រាប់​ថា ពេល​នេះ​នាង​បាន​រៀន​សូត្រ​ខ្ពង់​ខ្ពស់ ជិត​ចប់​ថ្នាក់​បរិញ្ញាបត្រ ចង់​ស្វែង​រក​ការងារ​ក្នុង​ក្ដី​ស្រមៃ​ធ្វើ ប៉ុន្តែ​ប្រហែល​ជា​ជួប​ការ​លំបាក​ហើយ ព្រោះ​តែ​ពិកា​ម្រាម​ដៃ​ដល់​ទៅ៤ បែប​នេះ។ រហូត​មក​ដល់​ពេល​នេះ នាង​នៅ​តែ​មិន​អាច​ធ្វើ​ចិត្ត មិន​អាច​ទទួល​យក​អ្វី​ដែល​កើត​ឡើង​ឡើយ ព្រោះ​ការ​បាត់​បង់​អវយវៈ​ដែល​ម្ដាយ​ឪពុក​ផ្ដល់​ឱ្យ​នេះ ពិត​ជា​ធ្វើ​ឱ្យ​នាង​មាន​ការ​ឈឺ​ចាប់​យ៉ាង​ខ្លាំង។